बजेटमा कांग्रेस घोषणापत्रको 'फ्लेभर' : १७ अर्बको बजेटमा यस्ता छन् १७ लोकप्रिय नारा

काठमाडौं : अर्थमन्त्री डा प्रकाशशरण महतले १७ खर्ब ५१ अर्ब ३१ करोडको बजेट प्रस्तुत गरेका छन्। अर्थमन्त्री महतले प्रस्तुत गरेको आगामी वर्ष २०८०/८१ को बजेटमा कांग्रेस संकल्पपत्रको बासना आएको देखिन्छ। 'कोखदेखि शोक'सम्म नेपाली कांग्रेसको घोषणापत्रमा समेटिएको नारा हो। कांग्रेसको घोषणापत्रमा प्राथमिकताका साथ राखिएको यो नारा बजेटमा परेको छ। यसैगरी स्वेदशमै उत्पादन र रोजगार बढाउन सरकारले 'आत्मनिर्भर अर्थतन्त्रको आधार : स्वदेशमै उत्पादन र रोजगार' नारा अघि बढाएको छ। यी विषय पनि कांग्रेसले संघीय तथा प्रदेश सरकारको संकल्पपत्रमा समेटेको थियो। यसैगरी प्रधानमन्त्री पुष्पकमल दाहाल प्रचण्डको सरकारले अघि बढाएको बजेटमा रैथाने वस्तुलाई अघि बढाउने संकल्पसमेत प्रस्तुत गरेको छ। गरिबसँग विश्वेश्वर कार्यक्रमलाई यो बजेटले निरन्तरता दिने भएको छ।

'आत्मनिर्भर अर्थतन्त्रको आधार : स्वदेशमै उत्पादन र रोजगार'