चीन–दक्षिण एशिया व्यापार मेलामा सार्क सीसीआई अध्यक्ष ढकालको सम्बोधन, क्षेत्रीय आर्थिक सहकार्यमा जोड

सार्क च्याम्बर अफ कमर्श र इन्डष्ट्रीका अध्यक्ष डा. चण्डीराज ढकालले चीन र दक्षिण एशियाली राष्ट्रहरूबीच आर्थिक तथा व्यापारिक सहकार्यलाई अझ सुदृढ बनाउँदै लैजानुपर्नेमा जोड दिएका छन्।

चीनको कुनमिङमा आयोजित १०औँ चीन–दक्षिण एशिया प्रदर्शनी (सीएसए एक्पो) तथा ३०औँ चीन कुनमिङ आयात तथा निर्यात मेला को उद्घाटन समारोहलाई सम्बोधन गर्दै अध्यक्ष ढकालले दक्षिण एशिया र चीनबीचको व्यापारिक सम्बन्ध पछिल्लो दशकमा उल्लेखनीय रूपमा विस्तार भएको बताएका हुन्।