क्रियाशील सदस्यता विवाद मिलेको कांग्रेसको दावी, देउवा र पौडेलले बुझे प्रतिवेदन

काठमाडौं : नेपाली कांग्रेसले क्रियाशील सदस्यता विवाद मिलेको दावी गरेको छ। केन्द्रीय क्रियाशील सदस्यता छानबिन समितिले बाँकी रहेका समस्याहरुको सहमतिमा टुङ्गो लगाएसँगै क्रियाशील विवाद मिलेको बताइएको छ।

समितिले निर्णय गर्न बाँकी रहेका कार्य सम्पन्न गर्न पूर्व महामन्त्री कृष्णप्रसाद सिटौला, केन्द्रीय सदस्य डा मीनेन्द्र रिजाल र केन्द्रीय सदस्य रमेश लेखकलाई जिम्मा दिइएको थियो। सिटौला, रिजाल र लेखकले बाँकी रहेका विवादमा सहमति जुटाएका छन्। समितिको प्रतिवेदन आज सभापति शेरबहादुर देउवा र वरिष्ठ नेता रामचन्द्र पौडेललाई बझाइएको छ। प्रतिवेदन बुझ्दै सभापति देउवाले समयमै महाधिवेशन हुने बताएका छन्।