कर्णालीमा लम्पी स्किनको महामारी : रोग नपुगेको ठाउँ छैन, खरिद गरिएको खोप ‘स्टक’मै

सुर्खेत । ठाटीकाँध गाउँपालिका–१ का कालु विकको एक हल गोरु थियो । खेती लगाउने सिजन सुरु हुन लाग्दा वैशाख दोस्रो सातातिर एउटा गोरु एक्कासि बिरामी पर्यो । सुरुमा उनले के भएको भन्ने पत्तो नै पाएनन् । रेडियोमा गाई, गोरुमा लम्पी स्किन नामक रोगको सङ्क्रमण फैलिरहेको सूचना सुने ।

गाउँमा रोगबाट बचाउने न कुनै उपचार थियो, न उनलाई जानकारी नै । उनको एउटा गोरुको मृत्यु भयो । ‘मानो रोपेर मुरी उब्जाउने बेला खेती लगाउने गोरु नै मर्यो,’ उनले भने, ‘आर्थिक अवस्था कमजोर, त्यसमा पनि खेती लगाउने बेला गोरु म¥यो, ऋण गरेर अर्को गोरु किन्नुपर्यो ।’