पत्रकार महासंघको धर्नामा हाम्रा सेवाग्राहीमाथि आक्रमण भयो : सेन्ट्रल बिजनेस पार्क

काठमाडौँ — थापाथलीस्थित सेन्ट्रल बिजनेस पार्कले आफ्नो भवनमा रहेका कार्यालयमा आएका सेवाग्राहीलाई नेपाल पत्रकार महासंघले चलाएको आन्दोलनका क्रममा आक्रमण गरिएको भन्दै यस्ता क्रियाकलाप तुरुन्त बन्द गर्न ध्यानाकर्षण गराएको छ ।

बुधबार विज्ञप्ति जारी गर्दै संस्थाहरूसँग सम्बन्धित कर्मचारी, सेवाग्राहीहरूलाई असुविधा हुने क्रियाकलाप तुरुन्तै बन्द गर्ने भनेको छ । बुधबार महासंघका पदाधिकारीहरुसमेत संलग्न रहेको धर्नाका क्रममा एक सर्वसाधारणमाथि पत्रकार भनिएका व्यक्तिहरुले नै भौतिक आक्रमण गरेका थिए ।