ब्राजिलका पूर्वराष्ट्रपति बोल्सोनारोलाई चुनाव लड्न आठ वर्षको प्रतिबन्ध

काठमाडौं । ब्राजिलको सर्वोच्च निर्वाचन अदालतले पूर्वराष्ट्रपति जायर बोल्सोनारोलाई आठ वर्षसम्म राष्ट्रको सर्वोच्च पदमा उमेदवार हुनबाट रोक लगाएको छ । अदालतले रोक लगाउने क्रममा न्यायाधीशहरुको ५–२ मतसहित निर्णय दिएको छ ।

बोल्सोनारोलाई गत वर्षको राष्ट्रपति चुनावअघि आफ्नो शक्तिको दुरुपयोग गरेको आरोपमा दोषी ठहर गरिएको थियो । प्रयोग गरिएको विद्युतीय मतपत्र ह्याकिङ र जालसाजीको जोखिममा रहेको दाबी गरेर ब्राजिलको लोकतन्त्रलाई कमजोर बनाएको आरोप उनीमाथि लगाइएको थियो ।