काभ्रेमा बस दुर्घटना अपडेट : घाइते १७ जनालाई धुलिखेल अस्पतालमा ल्याइयो

काठमाडौँ । बीपी राजमार्गअन्तर्गत काभ्रेको बुचाकोटमा शुक्रबार बस दुर्घटना हुँदा घाइते भएका १७ जनालाई उपचारका लागि धुलिखेल अस्पताल ल्याइएको छ ।

बनेपाबाट रोशी गाउँपालिकाको खार्पाचोक हुँदै सुँगुरे जाँदै गरेको बा ३ ख ८३९८ नम्बरको बस बीपी राजमार्गको नमोबुद्ध नगरपालिका–२ बुचाकोटमा दुर्घटनामा परेको थियो । दुर्घटनामा ७ जनाको मृत्यु भएको प्रहरीले जनाएको छ।

काभ्रेमा बस दुर्घटना, ७ जनाको मृत्यु

दुर्घटनामा घाइते भएका १७ जनालाई उद्धार गरी धुलिखेल अस्पताल पठाइएको पनि प्रहरीले जनाएको छ । ‘घाइतेको धुलिखेल अस्पतालमा उपचार सुरु भएको छ,अन्य घाइतेको उद्धार जारी छ’,काभ्रे प्रहरीले जनाएको छ ।