महिनावारीका विषय शैक्षिक पाठ्यक्रममा समावेश गर्नुपर्छ : सांसद भट्टराई

पोखरा । प्रतिनिधिसभा सांसद विद्या भट्टराईले महिला प्रजननसंग जोडिएको महिनावारीको विषयमा समाजलाई सचेत र सकारात्मक बनाउन शैक्षिक पाठ्यक्रममै समावेश गर्नुपर्नेमा जोड दिएकी छन् ।

सञ्चारिका समूह नेपाल गण्डकी प्रदेशले आयोजना गरेको लैंगिक हिंसा विरुद्ध १६ दिने अभियान अन्तर्गत ‘महिनावारी शिक्षा’ विषयक अन्तरक्रियामा उनले महिलाको प्रजनन अंगसंग जोडिने विषय विद्यालयमा शिक्षण सिकाईमै समावेश गर्न आवश्यक रहेको बताइन् ।