भिनिसियसको ह्याट्रिकमा रियललाई सुपर कप

रियाद । भिनिसियस जुनियरको ह्याट्रिकको मद्दतले बार्सिलोनालाई हराउँदै रियल मड्रिडले स्पेनिस सुपर कपको उपाधि हात पारेको छ । आइतबार राति भएको खेलमा रियल ४–१ गोलले विजयी बनेको हो ।

ब्राजिलियन विंगरले सुरुवाती १० मिनेटभित्र दुई गोल गर्दै कार्लो एन्चेलोटीको टोलीलाई साउदी अरबमा अग्रता दिलाएका थिए । उनले पहिलो गोलमा क्रिस्टियानो रोनाल्डोको शैलीमा खुसीयाली मनाएका थिए । खेलपछि उनले आफ्नो प्रेरणा रोनाल्डोलाई उक्त गोल समर्पित गरेको बताए ।