काभ्रेमा बस दुर्घटना : आठ जनाको मृत्यु

काठमाडौँ। काभ्रेमा यात्रुबाहक बस दुर्घटना हुँदा आठ जनाको मृत्यु भएको छ। प्रहरीका अनुसार शुक्रबार दिउँसो भएको बस दुर्घटनामा अन्य १६ जना घाइते रहेका छन्।

काभ्रे प्रहरी प्रवक्ता प्रहरी नायब उपरीक्षक रविन विष्टका अनुसार बनेपाबाट भकुन्डेबेसीतर्फ गइरहेको बा३ख ८३९८ नम्बरको बस नमोबुद्ध नगरपालिका-२ मा दुर्घटनामा परेको हो। बस बीपी राजमार्गबाट दुई सय मिटर तल खसेको थियो।