प्रधानमन्त्रीको सचिवालय : आकार ठूलो, प्रभावकारिता न्यून

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री भएको चार महिना पुग्दासमेत प्रधानमन्त्रीको सचिवालयले पूर्णता पाएको छैन । सचिवालयमा नियुक्ति पाइसकेकाहरूको भूमिकाका सन्दर्भमा पनि प्रश्न उठ्न थालेको छ । जसले गर्दा सरकारले गरेका कतिपय महत्त्वपूर्ण निर्णयहरू आम जनताको नजरमा ‘कुहिरोको काग’ बनिरहेका छन् ।

सरकारले गरेका महत्त्वपूर्ण निर्णयको प्रचारमा मात्र नभएर सरकारविरुद्ध हुने गरेका प्रचारलाई समेत प्रधानमन्त्रीको सचिवालयले पूर्णतया बेवास्ता गर्दा जनमानसमा भ्रम सिर्जना भएको छ भने सरकारले जस पाउनुपर्ने विषयमा पनि आरोप र आलोचना खेप्ने गरेको छ ।