रास्वपाको लुम्बिनी प्रदेश अधिवेशन : सभापतिमा को–को आकाङ्क्षी ?

बुटवल । राष्ट्रिय स्वतन्त्र पार्टी (रास्वपा) लुम्बिनी प्रदेशको प्रथम प्रदेश अधिवेशन शनिबारदेखि दाङको घोराहीमा सुरु हुँदैछ । नयाँ नेतृत्व चयन गर्ने उद्देश्यसहित हुन लागेको अधिवेशनलाई पार्टीले विशेष महत्त्व दिएको छ ।

रास्वपाको विधानअनुसार अधिवेशनबाट ५७ सदस्यीय प्रदेश कार्यसमिति चयन गरिनेछ । कार्यसमितिमा एक सभापति, एक उपसभापति, एक महामन्त्री, दुई सहमहामन्त्री, एक कोषाध्यक्ष, एक प्रवक्ता तथा अन्य सदस्य रहने व्यवस्था छ । सहमहामन्त्रीमध्ये एक महिला र एक पुरुष अनिवार्य रहने प्रावधान छ ।