इन्दू बर्माको कप्तानीमा आज पहिलो अन्तर्राष्ट्रिय प्रतियोगिता खेल्दै नेपाल

काठमाडौँ । हङ्कङमा आयोजना हुने चार राष्ट्र सम्मिलित टी—२० क्रिकेट शृंखलामा बुधबार नेपालले आफ्नो पहिलो खेल खेल्दैछ । नेपलाले आफ्नो पहिलो खेल तान्जिनियासँग खेल्न लागेको हो । उक्त शृंखलामा नेपाल, तान्जिनिया र हङ्कङका अतिरिक्त चौथो टोलीका रुपमा जापान सहभागी छ ।

नेपालले नयाँ कप्तान इन्दू बर्माको नेतृत्वमा पहिलो पटक अन्तर्राष्ट्रिय प्रतियोगिता खेल्न लागेको हो । नेपाल क्रिकेट संघ (क्यान) ले यही शृंखलाका लागि राष्ट्रिय टोलीको कप्तानमा इन्दूलाई नियुक्त गरेको हो । क्यानले इन्दूको कप्तानीमा १४ सदस्यीय टोलीको घोषणा गरेको थियो ।