सत्यतथ्य, सन्तुलित र विश्वसनीय समाचार

पत्रकारिता यात्राको साढे तीन दशकमध्ये दुई दशक त तत्कालीन कामना प्रकाशनसमूह (हालको कामना न्यूज पब्लिकेशन्स्)मै बित्यो यस पंक्तिकारको । नेपाल प्रेस इन्स्टिच्युटमा दश महिने पत्रकारिता तालिमपछि फाटफुट रुपमा समाचार तथा लेखहरु प्रकाशन गर्ने क्रमले कामना प्रकाशन समूहमा आवद्ध भएपछि निरन्तरता पाएको हो ।

प्रकाशन शुरु भएको आठौं वर्षको उत्तराद्र्धतिर (२०४८ कार्तिक) मा यस प्रतिष्ठानमा काम शुरु गर्दादेखि हासम्म आइपुग्दा धेरैखाले उतारचढाव आए । यद्यपि कामना प्रकाशन समूहले ती उतारचढावको एक–एक गरी सामना गर्दै देशकै एक प्रतिष्ठित संस्था बन्न सक्नुमा यसका प्रत्यक्ष तथा परोक्ष सरोकारवालाको सहयात्रा नै महत्वपूर्ण पक्ष हो भन्न हिच्किचाइरहनुपर्दैन ।