९ करोड कमाउँदै ‘लालीबजार’ छैटौँ सातामा, ‘रोल नं १’ तेस्रो सातामा प्रवेश

काठमाडौँ । नेपाली चलचित्र बजारमा शैक्षिक र सामाजिक विषयवस्तुमा आधारित दुई फिल्मले बक्स अफिसमा बलियो उपस्थिति जनाएका छन्। गत वैशाख २५ गतेदेखि प्रदर्शनमा आएको बहुप्रतीक्षित फिल्म ‘लालीबजार’ आज शुक्रबारदेखि प्रदर्शनको छैटौँ सातामा प्रवेश गरेको छ।

नयाँ वर्ष विसं २०८३ सुरु भएयता प्रदर्शनमा आएका फिल्महरूमध्ये व्यावसायिक र समीक्षात्मक दुवै हिसाबले ‘लालीबजार’ सबैभन्दा अगाडि देखिएको छ। षट्कोण आर्ट्सको ब्यानरमा निर्माण भएको यस फिल्मले घरेलु बजारमा मात्रै ९ करोड रुपैयाँभन्दा बढीको ग्रस कलेक्सन गरिसकेको छ।