प्रिमियर लिग च्याम्पियन लिभरपुललाई हरायो ब्राइटनले

काठमाडौं । ब्राइटनले इंग्लिश प्रिमियर लिग च्याम्पियन लिभरपुललाई हराएको छ । ब्राइटनले आफ्नो घरेलु मैदानमा लिभरपुलविरुद्ध ३-२ को संघर्षपूर्ण जित निकालेको हो ।

यसअघि नै लिग उपाधि जितिसकेको लिभरपुल आफ्नो ३७ औं खेलमा पराजित भएको हो । योसँगै प्रिमियर लिग सिजनमा लिभरपुलको हार संख्या चार पुगेको छ । दोस्रो स्थानको आर्सनलको समेत हार संख्या चार नै छ ।