नृसिंह धामको संरक्षण र प्रवर्द्धन गर्न सांसद थपलियाले गराइन् सरकारको ध्यानाकर्षण

२९ जेठ, काठमाडौं । नेपाली कांग्रेसकी सांसद सीता थपलियाले धादिङस्थित नृसिंह धामको संरक्षण, प्रवर्द्धन तथा विकासका लागि विशेष योजना ल्याउन सरकारसँग माग गरेकी छन् ।

नृसिंह धामलाई ‘अन्डर वाटर टेम्पल’ अवधारणाअन्तर्गत संरक्षण तथा विकास गरेर राष्ट्रिय र अन्तर्राष्ट्रिय धार्मिक–पर्यटकीय गन्तव्यका रूपमा स्थापित गर्न सकिने सम्भावना रहेको भन्दै उनले त्यसका लागि विशेष योजना ल्याउन माग गरेकी हुन् ।