ब्रिटिसकालीन सिक्का र शिवलिङ्ग फेला, बर्दियाको प्राचीन सभ्यताबारे नयाँ संकेत

बर्दियाको ठाकुरबाबा मन्दिर परिसरमा गरिएको पुरातात्त्विक अध्ययनका क्रममा ब्रिटिसकालीन एक सिक्का र सानो शिवलिङ्ग फेला परेको छ। अनुसन्धानकर्ताहरूका अनुसार यी सामग्रीहरूले यस क्षेत्रमा प्राचीन मानव बसोबास तथा धार्मिक गतिविधि भएको महत्वपूर्ण प्रमाण प्रस्तुत गरेका छन्।

अध्ययनका क्रममा रथ शैलीको शिखर शैलीमा निर्मित मन्दिरका अवशेष, त्रिरथ संरचना, मण्डप तथा अन्य पुरातात्त्विक सामग्रीहरू पनि फेला परेका छन्। प्राप्त संरचना र वस्तुहरू विभिन्न ऐतिहासिक कालखण्डसँग सम्बन्धित रहेको प्रारम्भिक अनुमान गरिएको छ।