१ प्रतिशत सामान्य कर्जा नोक्सानी व्यवस्था कायम गर्न सकिने

काठमाडौं । बैंक तथा वित्तीय संस्थाहरूले असल कर्जामा १ प्रतिशत मात्र नोक्सानी व्यवस्था गरे पुग्ने भएको छ ।

यसअघि यस्तो व्यवस्था १ दशमलव १० प्रतिशत रहेको थियो । मौद्रिक नीतिको अर्धवार्षिक समीक्षामार्फत व्यवस्था गरिएको प्रावधानलाई सोमबार एकीकृत निर्देशन जारी गर्दै नेपाल राष्ट्र बैंकले १ वर्षभन्दा बढी ग्रेस अवधि भएका ऊर्जालगायतका पूर्वाधार निर्माणसँग सम्बन्धित परियोजनामा प्रवाहित असल कर्जाको ग्रेस अवधिसम्म प्रत्येक वर्ष समानुपातिक रूपमा कर्जा नोक्सानी व्यवस्था गरी अन्तिम वर्ष १ प्रतिशत सामान्य कर्जा नोक्सानी व्यवस्था कायम गर्न सकिने व्यवस्था गरेको हो ।