चिनियाँ गतिविधि निगरानीसहित थप चार फिलिपिनी सैनिक अखडामा अमेरिकाको पहुँच 

मनिला । अमेरिकाले फिलिपिन्सका थप चारवटा सैनिक अखडामा आफ्नो पहुँच सुरक्षित गरेको छ । ती स्थानबाट अमेरिकाले दक्षिण चीन सागर र ताइवान वरपर चिनियाँ गतिविधि माथि सजिलैसँग अनुगमन गर्न सक्ने भएको छ ।

यो सम्झौतासँगै अमेरिकाले उत्तरमा दक्षिण कोरिया र जापानदेखि दक्षिणमा अष्ट्रेलियासम्म फैलिएको आफ्नो गठबन्धनको चापमा रहेको खाडल पुरेको छ । हराइरहेको सेतु फिलिपिन्स थियो, जसले दुईवटा सबैभन्दा ठूला सम्भावित तनावग्रस्त क्षेत्र ताइवान र दक्षिण चीन सागरको सीमा जोडेको छ ।