कर्णाली सरकारले बनाएका विषादी प्रयोगशाला सञ्चालनमा आएनन्

सुर्खेत । कर्णाली प्रदेश सरकारले ‘अर्ग्यानिक कर्णाली प्रदेश’ बनाउने भनेर बनाएका विषादी प्रयोगशाला आफैँ थलिएका छन् । सल्यानको कपुरकोट र सुर्खेतको हर्रेमा भवन निर्माण भएको झन्डै पाँच वर्ष बितिसक्दा पनि ती प्रयोगशाला सञ्चालनमा आउन नसकेका हुन् ।

‘विषादीमुक्त प्रदेश’ बनाउने भनेर प्रदेश सरकारले कर्णाली प्रदेश भित्रिने प्रमुख दुई नाकामा विषादी प्रयोगशाला सञ्चालनमा ल्याउने अवधारणा ०७५ सालमै ल्याएको थियो । सोही अनुसार आर्थिक वर्ष ०७५/०७६ मा विषादी प्रयोगशाला निर्माणका लागि १ करोड ५० लाख बजेट विनियोजन गरियो ।