प्रधानमन्त्री देउवालाई गठबन्धन तोडेर आउन ओलीको प्रस्ताव, देउवाले के जवाफ दिए ?

काठमाडौं, ५ फागुन । नेकपा (एमाले) का अध्यक्ष केपी शर्मा ओलीले पाँच दलीय गठबन्धन तोडेर आउन प्रधानमन्त्री शेरबहादुर देउवासमक्ष प्रस्ताव राखेका छन् । सत्ता गठबन्धनमा एमसीसीको विषयमा सहमति नजुटेपछि प्रधानमन्त्री देउवा एमालेको साथ खोज्नेगरि अध्यक्ष अ‍ोली निवास बालकोट पुगेका थ्एि ।

करिब डेढ घण्टा भएको छलफलमा एमसीसीलाई लिएर नै दुई नेताबीच गम्भीर छलफल भएको थियो । स्रोतका अनुसार प्रधानमन्त्री देउवालाई ओलीले पाँच दलीय गठबन्धन तोडेर आउन प्रस्ताव राखेका थिए । ओलीले एमसीसी साँच्चिकै पारित गर्न चाहेको हो भने पहिले गठबन्धन तोडेर आउनुहोस भनेका थिए ।