महायज्ञमा करिब ३ करोड दान

पोखरा । सराङकोटमा आयोजित श्रीमद्भागवत् ज्ञानमहायज्ञ एवं धार्मिक पर्यटन महाउत्सव २ करोड ८८ लाखभन्दा बढी दान संकलन गर्दै समापन भएको छ ।

सराङकोट धार्मिक एवम् पर्यटन क्षेत्र विकास समिति आयोजनामा भएको महायज्ञ आयोजकको लक्ष्यअनुरुप सफल भएको महायज्ञ प्रचारप्रसार उपसमिति संयोजक कृष्ण थापाले बताए । आयोजकले ३ करोड संकलनको लक्ष्य राखेकामा अन्तिम दिन ८० लाखसहित कुल २ करोड ८८ लाखभन्दा बढी दान संकलन भएको थापाले बताए ।