मुख्य सामग्रीमा जानुहोस्

समाचार

खेलकुद

क्रिकेट खेलाडीको वर्गीकरण : ​१० जनाको नाम ‘ग्रेड ए’ सूचीमा, कारबाही फिर्ता

lokaantar.com · Fri Jan 28 01:19:01 GMT 2022

नेपाल क्रिकेट संघ (क्यान) ले क्रिकेट खेलाडीहरूको वर्गीकरण गरेको छ । क्यानको बिहीबार सम्पन्न बैठकले राष्ट्रिय टोलीमा रहेका महिला र पुरुषतर्फका १० खेलाडीलाई ‘ग्रेड ए’ समेटेको हो । पुरुषतर्फ सन्दीप लामिछाने, ज्ञानेन्द्र मल्ल, दीपेन्द्र सिंह ऐरी, सोमपाल कामी र करण केसी रहेका छन् भने महिलातर्फ रुबिना क्षत्री, सीता राना मगर, इन्दु शर्मा, काजल श्रेष्ठ र करुणा भण्डारी रहेका छन् ।

यस्तै पुरुषतर्फ ‘ग्रेड बी’ मा कुशल भुर्तेल, आसिफ शेख, शरद भेषवाकर, आरिफ शेख, अविनाश बोहरा, विनोद भण्डारी रहेका छन् भने महिलातर्फ सरिता मगर, कविता कुँवर, अप्सरी बेगम, सरस्वती चौधरी, सवनम राई र ज्योती पाण्डे रहेका छन् । यस्तै ‘ग्रेड सी’ मा पुरुषतर्फ कुशल मल्ल, रोहित कुमार पौडेल, कमल सिंह ऐरी, विक्रम सोब, साहब आलम, सुशन भारी र पवन सर्राफ छन् भने महिलातर्फ डली भट्ट, कविता जोशी, संगीता राई, रोमा थापा, अस्मिना कर्माचार्य, ममता चौधरी र बिन्दु रावल रहेका छन् । ग्रेडिङ भएका उनीहरुलाई सन् २०२२ को केन्द्रीय सम्झौतामा अनुबन्ध गर्ने निर्णय क्यानले गरेको छ ।

स्रोतमा पूरा पढ्नुहोस् (lokaantar.com)