उपत्यकामा अव्यवस्थित तार व्यस्थापन अभियान तीव्र

काठमाडौँ । काठमाडौँ उपत्यकामा अव्यवस्थित रूपमा झुन्डिएका लत्रिएका तथा प्रयोगविहीन तार व्यवस्थापनलाई व्यवस्थित गर्न लागेको छ । ऊर्जा, जलस्रोत तथा सिँचाइ मन्त्रालयको पहल तथा सञ्चार तथा सूचना प्रविधि मन्त्रालयको समन्वयमा काठमाडौँ उपत्यकामा दूरसञ्चार र इन्टरनेटका अव्यवस्थित तार व्यवस्थापन गर्ने अभियानलाई तीव्रता दिइएको हो ।

सुरुवातमा सरकारले अव्यवस्थित तार व्यवस्थापन त्रिपुरेश्वर–कालिमाटी–कलंकी, जडीबुटी–पेप्सीकोला, त्रिपुरेश्वर–लाजिम्पाट, सामाखुसी टाउन प्लानिङ (गोंगबु), कीर्तिपुर तथा पुरानो बानेश्वर–गौशाला–चाबहिल क्षेत्रमा आगामी १५ दिनभित्र चरणबद्ध रूपमा तार हटाउने कार्य गरिने दूरसञ्चार प्राधिकरणले जनाएको छ ।