अमेरिकासँग नेपालको लगातार दोस्रो हार

काठमाडौँ । आईसीसी पुरुष क्रिकेट विश्वकप लिग–२ मा नेपाल अमेरिकासँग ३७ रनले पराजित भएको छ । शनिबार भएको खेलमा अमेरिकाले प्रस्तुत गरेको २ सय ८२ रनको लक्ष्य पछ्याउने क्रममा नेपाल मात्र २ सय ४४ रनमा सीमित बनेको हो ।

नेपालका लागि अनिल साहले सर्वाधिक ५२ रन बनाए । उनले ८० बलको सामना गर्दै ४ चौका र १ छक्का हिर्काए । त्यस्तै, सोमपाल कामीले २७ बलमा ४७ रन जोडे । उनले ४ चौका र २ छक्का प्रहार गरे ।