निजामती ट्रेड युनियन खारेजीसम्बन्धी अध्यादेश कार्यान्वयन हुने

काठमाडौं । निजामती कर्मचारीहरूको ट्रेड युनियन खारेज गर्ने सरकारको निर्णयविरुद्ध परेको रिटमा सर्वोच्च अदालतको संवैधानिक इजलासमा न्यायाधीशहरूबीच राय बाझिएको छ। बहुमत न्यायाधीशको रायका कारण अब सरकारको उक्त निर्णय कार्यान्वयन हुने बाटो खुलेको छ।

निजामती सेवाका कर्मचारीहरूको ट्रेड युनियन खारेज गर्ने गरी सरकारले ल्याएको अध्यादेशको प्रावधान कार्यान्वयन गर्ने वा नगर्ने भन्ने विवादमा प्रधानन्यायाधीशसहितका न्यायाधीशहरू विभाजित भएका हुन्।