यस पटकको तिहार स्वास्थ्य शिविरमा बिरामी जाँचेर मनाउँदैछु

तराईमा तिहारको रौनक नै भिन्ने प्रकारको हुने गर्छ। झिलीमिली बतीहरु बाल्नेहरु तथा पटका पड्काउनुले तिहारमा विशेष रौनक थप्ने गर्छ। साथीभाइहरुसँगको जमघटमा तास खेल्ने तथा रमाइलो गर्नुले तिहारलाई अझै विशेष बनाइदिने गर्छ। विशेष गरी तिहारको समय तराईमा विशेष नै हुनेगर्छ। बाल्यकालमा तिहारमा गरिएको रमाइलो अविस्मरणीय नै छ मेरा लागि। तर पढाइ तथा पेशागत जिम्मेवारीपछि कहिल्यै पनि तिहारको आनन्द लिन सकिएन। रमाइलो महसुस हुने गरी तिहार नमनाएको १५ – २० वर्ष नै भइसकेको छ।

गत वर्षको दीपावलीको समयमा मैले बुवालाई गुमाउनु परेको थियो। त्यसले मेरो जीवनमा ठूलो दुखको अवस्था सृजना गरेको छ। गत वर्षको दीपावलीकै दिनमा हामीले बुबालाई उपचारका लागि अस्पताल लगेका थियौं। दीपावलीको दिनभर बुबालाई घरमै स्याहार गरेर बसेका हामीले साँझ अस्पताल लगेका थियौं। यो वर्षको दीपावली कसरी मनाउने भन्ने चिन्ताले मलाई सताइरहेको छ। कतै बुबाको सम्झनामा यस वर्षको दीपावलीको दिन मेरो आँखा ओभानो हुँदैन कि भन्ने चिन्ताले मलाई सताइरहेको छ।