प्रदेश चलाउन ५ खर्व चाहिन्छ, आम्दानी ५ अर्व मात्रै छः मुख्यमन्त्री पाण्डे

पोखरा । गण्डकी प्रदेशका मुख्यमन्त्री सुरेन्द्रराज पाण्डेले स्रोत अभावका कारण जनताका अपेक्षा हुबहु पूरा गर्न नसकेको बताएका छन् । गण्डकी प्रदेशको कांग्रेस सम्मेलनलाई सम्बोधन गर्दै उनले प्रदेश चलाउन वर्षेनी ५ खर्व भन्दा बढी बजेट आवश्यक पर्ने बताए ।

‘प्रदेशलाई चलाउन ५ खर्व रुपैयाँ चाहिन्छ । तर आम्दानी ५ अर्व छ,’ उनले भने, ‘हाम्रा आकांक्षा धेरै छन् । स्रोत सीमित छन् । केवल गण्डकीको मात्रै होइन, समग्र देशको अवस्था यही छ ।’ संघले गरेको गल्तीका कारण प्रदेश संरचनाहरुले गाली खाने अवस्था बनेको उनको तर्क छ ।