टेनिस स्टार जोकोभिचको 'डाउनफल' : खोप नलगाए फ्रेन्च ओपन पनि खेल्न नपाउने

वर्षको पहिलो ग्रान्डस्लाम उपाधि भीडन्तबाट बञ्चित भएका टेनिस स्टार नोभाक जोकोभिचलाई फ्रेन्च ओपन खेल्न पनि समस्या पर्ने भएको छ। कोरोना भाइरसविरुद्धको खोप नलगाएको भन्दै अस्ट्रेलियाले ‘देशनिकाला’ गरेका जोकोभिचलाई फ्रान्सको खेलकुद मन्त्रालयले पनि फ्रेन्च ओपनमा सहभागी नगराउने जनाएको रोयटर्समा उल्लेख छ।

फ्रान्सको संसदले आइतबार नयाँ खोप कानुन पारित गरेको छ। जसअनुसार सार्वजनिक स्थल प्रवेशका लागि खोप कार्ड अनिवार्य गरिएको छ। खोपको कानुनको उक्त व्यवस्था खेलाडी तथा दर्शक दुबैका लागि लागि हुने जनाइएको छ।