गुराँसमा गडबडी

कमजोर अध्ययन नतीजालाई आधार बनाइँदा गुराँसका प्रजातिहरूबारे नेपालका पुस्तकमा भ्रामक विवरण लेखिन पुगेको छ।

गुराँसको प्रजाति रोडोडेन्ड्रन वालिची सेतो रङमा वैशाख-जेठमा निकै सुन्दर फुल्छ। यो प्रजाति बेलायतका विख्यात वनस्पतिविद् एवम् अन्वेषक सर जोसेफ डाल्टन हूकरले भारतको सिक्किमबाट सन् १८४९ मा पत्ता लगाएका थिए। हूकरले तत्कालीन रोयल बोटानिक गार्डेन कलकत्ताका सुपरिटेन्डेन्ट नाथानियल वालिचको सम्मानमा यसको नामकरण गरे।