सवारीसाधनको ठक्करबाट रतुवा मर्‍यो

मुग्लिन । पृथ्वी राजमार्गअन्तर्गत चितवनको इच्छाकामना गाउँपालिका– ४, लेवाटारमा सवारीसाधनले ठक्कर दिँदा एउटा रतुवा मरेको छ । सबडिभिजन वन कार्यालय इच्छाकामनाका रेन्जर सागर सुवेदीका अनुसार, मंगलबार (जेठ ६) बिहान सडक पार गर्ने क्रममा पहिचान नखुलेको सवारीले ठक्कर दिँदा पोथी रतुवा मरेको हो ।

रतुवाको मुख र गर्धनमा चोट लागेको थियो । स्थानीय जनप्रतिनिधि, प्रहरीचौकी कुरिनटार र स्थानीयको रोहबरमा रतुवालाई खाडलमा पुरी व्यवस्थापन गरिएको रेन्जर सुवेदीले जानकारी दिए ।