लुम्बिनी प्रदेश प्रहरीको तीनदिने विशेष अभियान, शान्ति सुरक्षा र साइबर सचेतनामा जोड

रूपन्देही । लुम्बिनी प्रदेश प्रहरी कार्यालयले शान्ति सुरक्षा, साइबर सचेतना र सामुदायिक सहभागिता अभिवृद्धि गर्ने उद्देश्यले तीनदिने विशेष कार्यक्रम सञ्चालन गर्ने भएको छ ।

बुटवलमा आज आयोजित पत्रकार भेटघाट कार्यक्रममा लुम्बिनी प्रदेश प्रहरी प्रमुख प्रहरी नायब महानिरीक्षक भूपेन्द्रबहादुर खत्रीले आधुनिक सूचना प्रविधिको प्रभावकारी उपयोगमार्फत् समुदायलाई सचेत बनाउँदै शान्ति, सुरक्षा र सामाजिक सद्भाव प्रवर्द्धन गर्न कार्यक्रम आयोजना गरिएको जानकारी दिए ।