चेन्नाईलाई हराउँदै राजस्थानको सुखद अन्त्य

काठमाडौं । राजस्थान रोयल्सले जितसहित इन्डियन प्रिमियर लिग (आईपीएल)–२०२५ सिजन अन्त्य गरेको छ । राजस्थानले मंगलबार लिग चरणको आफ्नो अन्तिम खेलमा चेन्नाई सुपर किंग्सविरुद्ध ६ विकेटको जित निकाल्दै यो सिजनको अन्त्य गरेको हो ।

दिल्लीमा भएको खेलमा चेन्नाईले प्रस्तुत गरेको १८८ रनको लक्ष्य राजस्थानले १७ बल बाँकी छँदै चार विकेट गुमाएर पूरा गर्‍यो ।