गाडीका पार्टपुर्जासहित २ जना पक्राउ

रौतहट । रौतहट प्रहरीले शनिबार भन्सार छलेर अवैध रूपमा भित्रयाएको गाडीको विभिन्न पार्टपुर्जासहित २ जनालाई पक्राउ गरेको छ । पक्राउ पर्नेमा गरुडा नगरपालिका ६ का ४० वर्षीय कुन्दन चौधरी र २५ वर्षीय विजयकुमार यादव रहेका छन् ।

उनीहरुबाट प्रहरीले बिआर ०५ एयु ३७२८ नम्बरको मोटरसाइकल, दुई लाख नौ हजार बराबरको एयर फिल्टर, मोबिल पिल्टर, ब्रक सोल, डिजल फिल्टर, ब्रेक पैड बरामद गरिएको जिल्ला प्रहरी कार्यालय रौतहटले जनाएको छ।