वैभव सूर्यवंशीको विस्फोटक ब्याटिङ, राजस्थान रोयल्सद्वारा लखनउ ७ विकेटले पराजित

काठमाडौँ । इन्डियन प्रिमियर लिग अन्तर्गत मंगलबार भएको उच्च स्कोरको रोमाञ्चक खेलमा राजस्थान रोयल्सले लखनउ सुपर जायन्ट्सलाई ७ विकेटले पराजित गरेको छ । २२१ रनको विशाल लक्ष्य पछ्याएको राजस्थानले ५ बल बाँकी छँदै ३ विकेट गुमाएर जित हासिल गर्‍यो ।

राजस्थानको जितमा युवा ब्याटर वैभव सूर्यवंशी नायक बने । उनले मात्र ३८ बलको सामना गर्दै ९३ रनको विस्फोटक इनिङ्स खेले । आफ्नो पारीका क्रममा उनले १० वटा छक्का प्रहार गर्दै लखनउका बलरहरूलाई दबाबमा राखेका थिए । उनलाई ध्रुव जुरेलले उत्कृष्ट साथ दिए । जुरेल ३८ बलमा ५३ रन बनाउँदै अविजित रहे । त्यस्तै, ओपनर यशस्वी जैसवालले २३ बलमा ४३ रनको योगदान दिए ।