नारायणी नदीमा बेपत्ता युवकको खोजीमा सशस्त्र प्रहरीको गोताखोर परिचालन

चितवन— चितवनको नारायणी नदीमा खुट्टा धुने क्रममा चिप्लिएर बेपत्ता भएका एक युवकको खोजी कार्यका लागि सशस्त्र प्रहरी बल नेपालको गोताखोर टोली परिचालन गरिएको छ।

पूर्वी नवलपरासीको देवचुली नगरपालिका–१४ बस्ने २७ वर्षीय सचिन कार्की जेठ ६ गते भरतपुर महानगरपालिका–१ पोखरा बसपार्कस्थित नारायणी नदीमा बेपत्ता भएका हुन्।