प्रधानमन्त्रीसँग कुलमानको बार्गेनिङ, भने- 'म हट्नु परे मेरै मान्छे मन्त्री बन्नुपर्छ'

सोमबार बिहान ११ः ३० मा सिँहदरबारमा मन्त्रीपरिषद्को बैठक बस्यो। सदा झैँ नियमित बैठक विषय रहे पनि यो पटक प्रधानमन्त्री सुशीला कार्की फर क मुडमा थिइन् । उनले दलीय रूपमा सक्रियता देखाइ रहेका मन्त्रीहरूसँग रुष्ट थिइन् । उनी रुष्ट हुने कारण एउटै थियो, नागरिक सरकार भनेर गठन भएको सरकारमा दलमा आबद्ध भएका व्यक्ति अझै सरकारमा बसिरहनु । उनी आफैँले भन्ने मुडमा थिइनन् । तर, जब जब चुनावकाे मिति नजिकिँदै गयो, केही मन्त्रीहरू सरकारका काममा भन्दा चुनावमा बढी ध्यान दिन थालेपछि सोमवार मुखै फोरेर भनिन् सरकार छाड्न भनिन्। 'तपाइहरूले राम्रो काम गर्नुभयो । गुमाउन मन त थिएन नि के गर्नु' उनले थपिन् 'नागरिक सरकारको स्वास्थ्ययता कायम गर्नुपर्ने भएकोले आफ्नो बारेमा निर्णय लिनुहोला ।'

प्रधानमन्त्री कार्कीले मन्त्रीहरू कुलमान घिसिङ, जगदीश खरेल र बब्लु गुप्ता लक्षित धारणा राखेपछि उनलाई सघाउ गर्दै केही मन्त्रीहरूले आफ्नो धारणा राखे । कुनै दलमा सहभागी नहुने, चुनाव नलड्ने र यही सरकारलाई सहयोग गर्ने मनसुवा राख्ने मन्त्रीहरूले प्रधानमन्त्रीको भनाइमा होमा हो मिलाएपछि कुलमान जङ्गिए ।