मन्त्रिपरिषद् विस्तार छिट्टै : मन्त्रालयको संख्यामा मोटामोटी सहमति

काठमाडौं । ढिलाइ हुँदै गइरहेको मन्त्रिपरिषद् विस्तारको छलफलमा मन्त्रालय संख्याको विषयमा मोटामोटी सहमति भएको बताइएको छ । नेपाल कम्युनिस्ट पार्टी (माओवादी केन्द्र) का सचिव देवेन्द्र पौडेलले नेपाल समाचारपत्रलाई दिनुभएको जानकारीअनुसार गठबन्धनका दलहरूबीच मन्त्रालय जिम्मेवारीको विषयमा ठोस सहमति जुटाएर प्रधानमन्त्री पुष्पकमल दाहाल ‘प्रचण्ड’ले सोमबारसम्ममा मन्त्रिपरिषद् पुनर्गठन गर्नुहुनेछ ।

उहाँले भन्नुुभयो– ‘प्रधानमन्त्रीले सत्ता साझेदार दलसँग छुट्टाछुट्टै ढङ्गले छलफल गरेर मन्त्रीमण्डल विस्तारको प्रस्तावहरू समक्ष राख्नुभएको छ । सायद सोमबारसम्म सरकार विस्तारको नतिजा निस्कने छ ।’