मेसी पुगे ९०० गोलको कोसेढुंगामा

बुधबार इन्टर मियामीको न्यासभिले एससीविरुद्धको खेलमा गोल गर्दै लियोनेल मेसी ९०० गोल गर्ने इतिहासकै दोस्रो खेलाडी बनेका छन् । अर्जेन्टिनाका अन्तर्राष्ट्रिय खेलाडीले टेनेसीको जियोडिस पार्कमा कोनकाकाफ च्याम्पियन्स कपको अन्तिम १६ को दोस्रो लेगको खेलमा सात मिनेटमै सो ऐतिहासिक गोल गरे । फुटबलको इतिहासमा ९ सय गोल कटाउने पहिलो खेलाडी पोर्चुगलका स्टार फुटबलर क्रिस्टियानो रोनाल्डो हुन् । उनले उनको करिअरको ९ सयौं गोल २०२४ सेप्टेम्बरमा क्रोएसियाविरुद्ध गरेका थिए । उनको अहिलेसम्म कूल गोलसंख्या ९५९ हो ।

सबैभन्दा बढी बार्सिलोनाका लागि गोल