यू–१९ राष्ट्रिय महिला क्रिकेट : मधेस, कोसी र वाग्मती विजयी

सुर्खेत । मधेस प्रदेश यू–१९ महिला राष्ट्रिय क्रिकेट प्रतियोगिताको फाइनलमा प्रवेश गरेको छ । सुर्खेतमा जारी प्रतियोगितामा मधेस हालसम्म अपराजित छ । मधेसले पाँच खेलमा १० अंक जोड्दै एक खेलअगावै फाइनल पुगेको हो ।

शुक्रबार भएको खेलमा मधेसले लुम्बिनी प्रदेशलाई २४ रनले पराजित गर्‍यो । टस जितेर पहिले ब्याटिङ रोजेको मधेसले निर्धारित ओभरमा तीन विकेट गुमाएर १६१ रन बनाएको थियो । १६२ रनको लक्ष्य पछ्याएको लुम्बिनी २० ओभरमा चार विकेट गुमाउँदै १३७ मा समेटियो ।

त्यस्तै, अर्को खेलमा कोसी प्रदेशले गण्डकी प्रदेशलाई पराजित गर्‍यो । शुक्रबार नै भएको खेलमा घरेलु टोली कर्णाली प्रदेश वाग्मती प्रदेशसँग पराजित भयो ।

#क्रिकेट

#नेपाली क्रिकेट