प्रतिनिधि सभा निर्वाचन २०८२: जित्ने महिला उम्मेदवारहरूमा रास्वपाबाटै बढी

फागुन २१ गते सम्पन्न प्रतिनिधि सभाको निर्वाचनमा रवि लामिछाने अध्यक्ष भएको दल राष्ट्रिय स्वतन्त्र पार्टीले सर्वाधिक सिट जितेको छ । देशभर नै राष्ट्रिय स्वतन्त्र पार्टीले धेरै सिट जित्दा महिला उम्मेदवारतर्फ पनि यसै पार्टीकै सर्वाधिक महिला उम्मेदवार विजयी भएका छन् ।

कूल १४जना महिला उम्मेदवार विजयी हुँदा त्यसमध्ये १३ जना राष्ट्रिय स्वतन्त्र पार्टीकै छन् । राष्ट्रिय स्वतन्त्र पार्टीबाट १६ जना महिला उम्मेदवार निर्वाचनको मैदानमा उतरेकोमा १३ जनाले विजयी हासिल गरे । देशभर नै राष्ट्रिय स्वतन्त्र पार्टीका उम्मेदवारहरू विजयी भइरहँदा तीन जना महिला उम्मेदवार भने पराजित भए ।