विराट विशिष्टीकृत सहकारी अनियमितता प्रकरण : तत्कालीन वडाध्यक्ष र प्रहरीबाटै झुटो मुचुल्का

विराटनगर । मोरङ, कटहरीमा रहेको विराट कृषि उत्पादन तथा बजारीकरण विशिष्टीकृत सहकारी संघले दिएको झुटो विवरणमा वडाध्यक्ष र प्रहरीले पनि सहि गरेको भेटिएको छ ।

विशिष्टीकृत सहकारी संघले सेयर सदस्यहरुबाट संकलन गरेको रकम १ करोड ३ लाख रुपैयाँको हिसाबकिताब अन्यौलग्रस्त बनेको छ । सहकारी संघका अध्यक्ष देवेन्द्र पौडेल र सचिव राकेश दाहालले भने ९० हजार किलो प्याज बाढीले डुबेर बिग्रिएको तथा ३८ लाखभन्दा बढी रकम बजारमा बाँकी रहेको झुटो विवरण पेस गरेको सहकारीकै सेयर सदस्यहरू बताउँछन् ।