फेसबुक र म्यासेन्जरमा समस्या, नेपालसहित विश्वभरका प्रयोगकर्ता प्रभावित

काठमाडौँ । मेटा कम्पनीका प्रमुख उत्पादनहरू फेसबुक र म्यासेन्जरमा शुक्रबार नेपालसहित समस्या देखिएको छ। प्राविधिक समस्या देखिएको भन्दै विश्वभरका प्रयोगकर्ताहरुले रिपोर्ट गरिरहेका छन् ।

शुक्रबार साँझबाट सुरु भएको यस समस्याका कारण प्रयोगकर्ताहरूको फेसबुक एकाउन्ट स्वतः लग-आउट भएको छ। पुनः लग-इन गर्न खोज्दा 'अनपेक्षित त्रुटि' वा 'केही गलत भयो'जस्ता सन्देशहरू देखिएका छन् । जसले गर्दा प्रयोगकर्ताहरू आफ्नो एकाउन्टमा पहुँच बनाउन असमर्थ भएका छन् ।