फेवातालमा दुर्घटनामा परेका ५ जनाको उद्धार

पोखरा । फेवातालमा मंगलबार दिउँसो डुंगा दुर्घटनामा परेका ५ जनाको सशस्त्र प्रहरीले सकुशल उद्धार गरेको छ ।

दिउँसो करिब ३ बजे अचानक आएको हावाहुरीको कारण डबल प्याडल बोटमा बोटिङ गरिरहेका काठमाडौं महानगरपालिका–२९, अनामनगर बस्ने ३० वर्षीय विक्रम मिकरानी, २६ वर्षीया आशिफा भानु, ५४ वर्षीया अनैजा दिल शाह र ८ वर्षीया रजिना खातुन र डेढ वर्षीया मीरा रानी तालको माछा पालन केन्द्रको जालमा अड्किएका थिए ।