फेसबुक, इन्स्टाग्राम र मेसेन्जरमा विश्वव्यापी समस्या

काठमाडौं । सामाजिक सञ्जालका लोकप्रिय माध्यमहरू फेसबुक, इन्स्टाग्राम र मेसेन्जरमा शुक्रबार साँझदेखि अचानक प्राविधिक समस्या देखिएको छ । मेटा कम्पनी अन्तर्गतका यी प्लेटफर्महरूमा आएको अवरोधका कारण नेपालसहित विश्वभरका लाखौं प्रयोगकर्ताहरू प्रभावित भएका छन् ।

शुक्रबार साँझदेखि देखिएको यो समस्याका कारण प्रयोगकर्ताहरूले अनौठो प्राविधिक झमेला बेहोर्नु परिरहेको छ । धेरैजसो प्रयोगकर्ताको फेसबुक, मेसेन्जर र इन्स्टाग्राम अकाउन्ट चलाउँदा चलाउँदै अचानक स्वतः लगआउट भएको छ । पुनः लगइन गर्न खोज्दा ‘समथिङ वेन्ट रङ’ जस्ता सन्देशहरू देखिने गरेको प्रयोगकर्ताहरूले बताएका छन् ।