चीनको तिब्बतमा एउटैमात्र विदेशी मिसन- नेपाली महावाणिज्य दूतावास

ल्हासा (तिब्बत) । चीनको स्वशासित क्षेत्र तिब्बतको राजधानी ल्हासामा कुनै बेला भारतको कार्यालय थियो । भुटानको थियो । बेलायतको थियो । नेपालको नहुने कुरै भएन ।

तर, अहिले नेपालबाहेक कसैको पनि कार्यालय छैन । अर्थात् तिब्बतको राजधानी ल्हासामा अहिले नेपालको मात्रै मिसन छ । नेपाली महावाणिज्य दूतावास ल्हासाको नोर्बुलिङ्का सडकमा छ । यो ल्हासाको डाउनटाउन क्षेत्र हो । यहाँबाट भाकोर सडकदेखि पोताला दरबार नजिकै छ ।