एमालेमै छु, रहन्छु

काठमाडौं । पूर्वराष्ट्रपति विद्यादेवी भण्डारीले आफू नेकपा एमालेमै आबद्ध रहेको र रहिरहने घोषणा गरेकी छन् । नेकपा एमालेको केन्द्रीय कमिटी बैठकले नेपालको संविधानका विभिन्न धाराको सहारा लिएर पूर्वराष्ट्रपति भइसकेको व्यक्ति सक्रिय राजनीतिमा फर्कन नमिल्ने निर्णय गरिसकेको छ ।

पत्रकार सम्मेलन गरेर उनले यो निर्णय सञ्चारमाध्यमबाट र विभिन्न नेताले सञ्चारमाध्यममा दिएको अन्तर्वार्ता हेरेर थाहा पाएको बताउँदै आफू एमालेभन्दा बाहिर नभएको र हुन पनि नसक्ने घोषणा गरेकी हुन् ।