फेसबुकमा एक्कासि गडबडी, पोस्ट र म्यासेज सेवा प्रभावित

काठमाडौं । सामाजिक सञ्जाल फेसबुकमा शुक्रबार केहीबेरअघिदेखि नेपालसहित विभिन्न स्थानका प्रयोगकर्ताले समस्या भोगिरहेका छन् ।

राजधानी काठमाडौंसहित देशका विभिन्न जिल्लाका प्रयोगकर्ताहरूले फेसबुक एकाउन्ट आफैँ लगआउट हुने, न्युज फिड लोड नहुने, तस्वीर तथा भिडियो पोस्ट गर्न नसकिने, कमेन्ट र प्रतिक्रिया दिन समस्या हुने तथा म्यासेन्जरमार्फत सन्देश पठाउन नसकिने जस्ता गुनासो गरेका छन् ।