आखिरमा त्यही भयो– इस्तानबुलबाट ब्याक टु तुलसीपुर!

विश्व जनसंख्याको २.३ प्रतिशत अर्थात १८४ मिलियन मानिस तिनको राष्ट्रियता भएको मुलुकबाहिर अर्थात विदेशमा रहेको पृष्ठभूमिमा नेपाली युवाको विदेश मोह कुनै 'एडिक्सन' भन्दा कम छैन।

भौगोलिक हिसाबले गाउँका या सहरका। आर्थिक रूपले गरिब या धनी। शैक्षिक दृष्टिकोणले डिग्री होल्डर या साधारण लेखपढ गरेका। लैंगिक आधारमा महिला या पुरूष। सबैलाई विदेशिने नशा। आयस्तर। साथीभाइ र अग्रजको सिको। अवसर पाउने सम्भावना। देशप्रतिको वितृष्णा। एजेन्टको काउन्सिलिङ। यिनै र यस्तै कुरा हुन् विदेशिने युवाहरूको गन्तव्य देश टुंगो लगाउने।